Fotocredit: Foto: privat
Stefanie und Josef, zwoa gonz liabe leit, hom dass zuanond finden braucht ziemle vü Zeit. Aufgwochsn sans in ana kloan Gemeinde wo a jeder jeden kennt, do san sese bei da oan oda andern Feier öfters iwan weg grennt. Beide woans a wengal gschame und mit dabei woa a wengal Unsicherheit, 2017 homs zomgfunden und seitdem sans gonga den Weg zu zweit. Durch de Natur und de Freid an da Arbeit mit de Tiere sans verbunden und verbringen miteinonder am Feld, i de Berg oder im Stoi so einige Stunden. Wons irgendwie geht verbringens für Zeit mit de 14 kloan Neffen und Nichten mit enana stuamans um, homs a gaudi und se brauchen auf nichts verzichten. 14 jo des san gonz sche vü, do keman nu dazua olle Onklen und Tanten und natiale olle ondan de nu dazua kean zu de Verwandten. Des wird a Hochzeit wie ba an Volksfest so fei, wei ba da Musi, Feuerwehr und Landjugend sans a nu dabei. Wann heirats denn des weans gonz oft gfrogt. Owa des genaue Datum homs dawoi nu neamd gsogt. Letzten September hot Stefanie an Brautstrauß gfonga, wos fia a freid, drum wiads hiaz zan heiraten in nächster Zeit. Damit a olle Verwandten und Freind mit eana feiern kinan, daradn sie se gfrei wenns des Gewinnspiel gwinnan. ois Glückengerl probier i ois Schwester der Braut mei Glück, mödt d`Stefanie & Josef beim Gewinnspiel an weil dann gibt’s koa zurück. Jetzt liegts nimmer in meine Händt drum hoasts Daumen drücken, das hoffentlich ganz boid wiad, zan Kirchen schmücken.
